Hindi Blogs

Digital marketing seekh lete hai

Digital marketing aaj kal seekhna bahut hi labhdayak hai.

Patrutiu Baltes, Loredana ne kaha tha
One of the major changes that occurred in traditional marketing was the “emergence of digital marketing”.
Matlab Traditional marketing me sabse bada badlaav digital marketing ke aane se hua hai.

DIGITAL MARKETING KYA HAI

Traditional marketing matlab TV ads, Newpaper ads, Banners waghera waghera.

Digital marketing me bhi marketing kia jata hai par digital technologies ka istamaal karke se yaani internet, mobile phones inke zariye ya aur koi digital maadhyam

Aaj kal ke itne tough competition me digital marketing ek mahatvapoorna skill hai jo marketing waalo ko aani chahiye agar unhe doosro se aage rehna hai.

Digital marketing techniques jaise ki search engine optimization (SEO), search engine marketing (SEM), social media marketing, social media optimization, e-mail direct marketing kaafi common hote jaa rahe hai. Ab to digital marketing non-Internet channels jaise SMS ko bhi kaha jaata hai.

Digital marketing ka sabse bada benefit ye hai ki hum apne marketing efforts ko measure aur target kar sakte hai matlab ki jo paisa ham digital marketing me daal rahe hai usse hame kitna fayda ho raha hai ye jaan sakte hai. Jaise ki kitne logo ne click kia ads par ya ads ko dekha. Baaki tarah ki marketing me jaise hame tv ads inme yah pata nai chal pata ki kitno ne ad ko dekha. Aur ham isme aasaani se segmentation kar sakte hai jaise hame apna ad sirf men ko dikhana hai ya ek age group 25-34 ko dikhana hai. Par baaki mediums me aisa karna mushkil hai. Agar digital marketing ko sahi tarike se istamaal kiya jaye to yah kharcha bhi kam karega

Aaiye aaj hum aapko digital marketing ke kuch techniques bataate hai

Email marketing:

Aam taur par ham apna email har roz check karte hai. Email marketing me ham users jinhone ne hame apna email signup ya kisi aur tarike se dia hai unhe email karenge apne products ki jankari ke saath aur ek call to action button ke saath jaise buy, sign up, subscribe ityaadi. Email marketing ko acchi tarah se target karna bahut zaruri hai. Acchi headlines title istamaal kijiye

Search Engine Optimisation(SEO):

Search Engine Optimisation ka matlab hai ki agar koi search engine jaise google par search kare koi keywords to hamara product top par dikhna chahiye. SEO do tarah ke hote hai. On Page Optimization aur Off Page Optimisation. On page Optimisation me ham hamare website ke andar jo content aur HTML code hai use optimise karte hai jaise hamare content me kaunse keywords istamaal ho rahen hai, html tagging me bhi kuch keywords daalne padte hai etc. Off page optimization yaani website ke baahar se website ko optimize karna jaise hamare website ki links dusre ke websites par daalna taaki use click karke log hamare website par aaye. Isme Social media marketing, Blog marketing bhi aate hai.

Social media marketing :

Isme ham social media sites ke through marketing karte hai jaise facebook, twitter, instagram ityaadi. Iska ek example hai facebook par apna page banaiye aur usse share kijiye apne friends ke saath jyaada like laane ke liye aur dheere dheere likes badhaiye facebook ke alag alag marketing services use karke. Par dhyaan rahe facebook ki serivce kaafi baar hamse paise lekar bhi fake profiles se likes dilwati hai jisse hame utba fyada nai hota. Paise kharch karte waqt is baat ka dhyaan rakhiye

Blog marketing:

Aap apne product ka zikr kisi blog par kar sakte hai ya ek pura blog likh sakte hai apne product ke upar. Apne blog ko seo optimize kijiye.

Video marketing:

Aap apne product ka ek ad banaiye aur use YouTube jaise online video portal par daaliye. Video ko interesting banaiye taaki log usse poora dekhen.

2 Comments

Leave a Reply

Your email address will not be published. Required fields are marked *