Hindi Blogs

eye contact kaise kare interview me

Interview me eye contact zaruri hai
Kuch log interview me jyada safal hote hai aur kuch kam. Knowledge, skills, degree zaruri hai par iske bawjood bhi kaafi log interview clear nahi kar paate kya aap jaante hai kyu? Wo Eye Contact nahi karte properly.

Interview me body language bahut zaruri hai. Aapke face ke expressions aur aapki eye contact bahut zaroori hai. Kahte hai ki 80% aapki eye contact hone chahiye interviewer ke saath. 20% aap dusri taraf dekh sakte hai kyuki lagaataar hame kisi ko dekhenge to aisa lagega ki ghoor rahe hai.

1. Yah dikhaata hai ki aap confident ho:- Agar aap jawaab dete samay apne joote ko dekh rahe hai ya idhar udhar dekh rahe hai to interviewer ko aisa lagega ki aapko jawaab sahi se aata nahi hai aur aap bilkul bhi confident nahi ho jisse aapka bahut kharaab impression padta hai.

2. Yah dikhaata hai ki aap imaandaar ho:- Agar aap acche se eye contact karenge apne interviewer ke saaath to unko lagega ki aap jo bol rahe ho wah sach bol rahe ho.

3. Yah dikhaata hai ki aap job me interested ho: Agar aap baar baar idhar udhar dekhoge ya fir achanak se ajeeb tarike se doosri taraf dekhoge to interviewer ko lagega ki aap timepass ke liye interview dene aaye ho aur aapko is job me jyaada koi interest nahi hai. Acchi eye contact se lagega ki aap serious ho is job ke liye.

4. Yah dikhaata hai ki aap ki commnunication skills acchi hai: Agar aapke job me client se meeting wagarah karni hoti hai to fir yah skill honi hi chahiye. Kyuki client meeting ke waqt aapko acche se commnuicate karna hota hai aur usme eye contact bahut mahatavpoorna hai.

Smile kijiye. Dhyaan se Suniye jo interviewer kah raha hai.
Agar interviewers ek se jyaada hai to jawaab dete samay unse eye contact kijiye jisne aapse sawaal poocha ya phir agar aap dono ko jawaab de rahe hai dono se eye contact rakhiye.

ghooriye mat:
Eye contact ko friendly tarike se istamaal kijiye. Acche eye contact aur ghoorne me kaafi antar hota hai. Jawaab dete samay sir hilaye apne face expression ka acccha istamaal kijiye

Leave a Reply

Your email address will not be published. Required fields are marked *